Me son scoduu on petit:

hoo ficcaa dent el nas

'n l'abbain muraa,

boccascia averta 'n del scuron.

'Na volta 'n d'on canton

gh'era on cadregon

de lisca e de nosin

del pader de la Centa

soldaa garibaldin.

'Na panadora bassa

e sora per sorà

on pantridin mostos;

Pàter a mezza vos

prima de colazion

pan giald mej d'on bombon.

Lucerna a l'uselina

sorian che se dindinna

paletta col bernasc

cavagna per i strasc

padella coi bujott

e on bagain mezz biott.

El negher de carisna

condii con la miseria,

l'era ona ròbba seria.