Hoo strasciaa el liber
di peccaa: l'era bon,
oramai, per el pattee.
L'hoo tegnuu sul ciffon
per ona vita
pront - con l'anema sbiottada -
a scriv anca de nott.
Ogni pendizzi
l'era registraa
tucc i malizzi
aveven trovaa post:
vorevi minga vess impreparaa.
Ma el gir del mond
l'è pù quell d'ona volta:
tanti malizzi hinn diventaa virtù.
E se l'anema
l'è tutta ona scorlera
la repezzen a macchina.
Bona sera.