Temporal (Edoardo Bossi)       

 

Testo originale Traduzione

 

Temporal

 

El sô l’è andaa, el ciel el se scuriss,

Sirmion col sò castèll in on moment

l’è in mèzz a di lusnad e schiribizz.

El sbatt de on'anta, contra el mur se sent.

 

Tròna!  S'ciòppa on stralusc ch’el m’inorbiss.

I oliv, scaviaa, hinn diventà d’argent.

N’altra tronada, l’acqua l’infittiss;

nissun per strada, gh’è sparii la gent.

 

I ultim saètt… i nivol s’hinn spaccaa,

s’intraved el sô, gh’è tornaa el seren;

nel ciel, l’arcobalén el s’è inarcaa.

 

Col cald, trasuda l’umid dal terren.

Sirmion col sò castèll a l’è tornaa.

Torna anca in di praa a sugà el fen.

 

Commento

 

Invia i tò penser, i tò emozion (anca in italian o ne la lengua che te par)