Freguj d'Amor
Per mì che vivi sola
in dò stanzett
e gh'hoo -come se dis
-, ‘na certa età,
per trovà l'occasion
de damm dilett
me resta nagòtt
d'alter che sperà.
Ma per sparmì de avegh
di delusion
se de ròbb
bèj ne senti on grand bisògn
me guardi ben de andà
foeura al porton
sto chì in cà mia; je
cerchi in d'on belI sògn.
L’altra mattina
intanta che scoltavi
el pessegà di gent del
mè Milan,
tra on visorin e
l'alter mì sognavi
ròbb inscì bej che me
pareven stran.
In scima a la collina
de San Sir
vedevi di prosett con
tanti fior,
quand tutt a on tratt
me senti come on fir
per via del campanin
ch'el batt i or.
In del stess temp me
sòna el campanell,
corri a la pòrta quasi
senza fiaa,
sbaratti, vedi dò bèj
sgalisell
cont on
grand mazz de fior pèna cattaa.
Denanz quij
oeucc me par fin de svegnì,
con dò vosett ch'hinn
dolz compagn del mel,
“Auguri sciora Ròsa,
l’è’l sò dì”…
E intanta duu gotton
formen on vel!
“Da part de
tutt la gent de la contrada.”
E i sò vosett gh’hann
on calor giocond!
Oh quant gioia, me son
nò sognada:
freguj d’amor sora
i speranz del mond!