Quand va giò el soo (Giosafatte Rotondi)     

 

Testo originale Traduzione letterale 

 

Quand va giò el soo

Quand va giò el soo, la lus
l'è come ona carezza;
la gh'ha la tenerezza
del salud del moros alla morosa
o del spos a la sposa
in l'att del separass. L'è, questa, l'ora
giusta del sentiment;
l'è questa, verament,
l'ora della poesia
e della nostalgia;
l'è l'ora, inscì mai bella, della pas!

...Quella che mì me pias
pensà che gh'è ancamò quajcoss assora
di noster tribuleri,
di cruzzi e di miseri,
di rabbj, di rangògn e di magon!
...Anmò quajcoss de bon
assora e intornavia.

...E benedetta sia,
quand va giò el soo, sta lus!

 

Commento

 

Invia i tò penser, i tò emozion (anca in italian o ne la lengua che te par)