Ona stella per Valeria

Da on ciel tutt pien de stell, là su per ari
vunna, pininna, l'era tant ciappada

a fass a gombettad on poo de strada,

tra tutti i bej stellonn del 'lucernari.

E ruzza e sping e ruzza, finalment

da on cantonin sconduu de ona stradetta

come on streccioeu, a forma de bissetta,

l'è scarligada giò dal firmament

per infilass de corsa in d'on camin,

fermass sora a ona cunna deliziosa,

spantegà lus, sfiorà on crappin de tosa

poeu, tornà indree, rifà, lee inscì on rattin

tutt el de fà de primma e anmò tra i stelI

ciappà el sò post, con tutti i sò sorell.